●●● Grafitti, dj e breakdance no rural: unha opción lúdica e dinamizadora en Bóveda

Este mes de outubro, o Concello de Bóveda organizou unha serie de obradoiros de Iniciación á Cultura Urbana, dirixidos á mocidade.
Profesionais da empresa Vella Escola foron os encargados de amosar aos preto de 50 participantes os segredos do grafitti, as técnicas de breakdance e de danzas de rúa. A música tamén tivo o seu espazo con sesións participativas de turntablism dj guiadas polos monitores. A diversión continuou con actividades deportivas moi novidosas, como o parkour, a máis solicitada de todo o programa.