A última fin de semana de novembro comezaron os Mercados de Monforte, unha nova iniciativa municipal para dinamizar o comercio da cidade, organizada polo Concello de Monforte en colaboración co CCU, que terá continuidade durante o mes de decembro, mediante a que se pretende dinamizar o comercio local cunha serie de mercados específicos que se desenvolven na Praza de España. En total son catro mercados de diferente temática: os complementos, estreado a pasada semana de novembro, a decoración de Nadal, do 3 ó 8 de decembro, os produtos agroecolóxicos, do 10 ó 12 de decembro, e o regalo de Nadal, do 16 ó 24 de decembro. Cada mercado consta de 9 stands cun modelo de casetas de madeira acordes co casco histórico. Sobre a primeira fin de semana de actividade, Germán Vázquez, presidente do Centro Comercial Urbano, salientou que a afluencia de público “foi bastante inferior á prevista, xa que a difusión da actividade foi baixa e precipitada, e tamén polo mal tempo”. A pesar de todo, a directiva do colectivo comercial sinalou a súa satisfacción pola resposta favorable dos asociados ó CCU na primeira edición, e a continuidade da iniciativa que consideran positiva “para a difusión turístico-comercial de Monforte como referente a nivel autonómico”. Os comerciantes asociados esperan que os Mercados sexan incluidos no novo proxecto municipal da Praza de Abastos.
Últimas noticias sobre ECONOMÍA
O pasado 8 de marzo tivo lugar no Polígono dos Acivros a celebración do 3ª aniversario
A Asociación Cosmética Galega (ACG) comeza o seu camiño co impulso de vinte e dúas empresas
A candidata número 6 do PP de Lugo ao Parlamento de Galicia, Raquel Arias, destacou o
O Concello de Sober vén de aprobar os seus orzamentos para o ano 2024, cun importe
A AIE Ribeira Sacra Next, fundada hai un ano, está a expandir a súa rede de