Formación Internet para maiores e manexo do correo electrónico en Sarria

Durante os meses de outubro e novembro a aula CEMIT do concello de Sarria conta con numerosos cursos para formarse en distintas materias; especialmente no coñecemento e manexo das novas tecnoloxías. Así por exemplo, un deles é o curso de Correo electrónico e aplicacións asociadas que se desenvolverá do 4 ao 6 de outubro. A duración deste curso é de tres sesións, de martes a xoves, en horario de dez da mañá a doce do mediodía, ou ben de cinco a sete da tarde. Entre outras cousas, en dita actividade os usuarios aprenderán a crear unha conta de correo de Google, como se usa e configura, a utilización do calendario e como ubicar as novas de interese automaticamente na conta de correo persoal.

Outro dos cursos que ofrece a aula CEMIT é o de internet para persoas maiores. Este levarase a cabo os días 11, 13 e 14 de outubro, tamén en tres sesións (martes xoves e venres), co mesmo horario que o anterior (de 10.00 a 12.00 horas, ou pola tarde de 17.00 a 19.00 horas). A inscrición nesta actividade pode realizarse ata o vindeiro 3 de outubro e está destinada especialmente ao colectivo de xubilados. Pola súa parte, entre os contidos a tratar destacan temas como que é internet e que servizos ofrece, como aproveitar o tempo libre sen sair da casa, aprender a pedir cita para o médico e mesmo consultar a prensa online.

Deixa unha resposta

Your email address will not be published.

Nova Anterior

Teatro para toda as idades na programación do último semestre en Monforte

Seguinte Nova

Os organizadores das festas do San Xoán en Sarria recuperan as corridas de touros para o ano que ven

Últimas noticias sobre ASOCIACIONISMO

A %d blogueros les gusta esto: