A finais de xaneiro, quedaban aprobados os importes dos convenios que a Xunta, a través da Secretaría Xeral para o Deporte, asinará coas 57 Federacións Deportivas que xa os teñen autorizados, máis a Federación Galega de Automobilismo e a Federación Galega de Deportes Autóctonos, que inclúe chave e billarda, que se vai constituír en breve. Sumando a contía do convenio coa Federación Galega de Piragüismo para o mantemento do Complexo Náutico e Campo de Regatas David Cal en Verducido, a Secretaría Xeral para o Deporte destina este ano un total de 4.392.684 euros, o mesmo importe que o destinado en 2020 e que supuxo un aumento do 2% con respecto a 2019.
Estes fondos distribúense segundo criterios obxectivos, como o número de licencias totais, femininas e de deportistas con discapacidade; o número de clubs participantes en competicións oficiais, campionatos de España e internacionais, os deportistas en seleccións deportivas, ou deportistas galegos de alto nivel, entre outros.•
Últimas noticias sobre DEPORTES
A Sociedade Deportiva Río Cabe foi escollida pola Real Federación Española de Golf como sede do
Despois da vitoria lograda a domicilio a pasada xornada ante o Pontevedra B, a SD Sarriana
O domingo ás 18 horas, A Pinguela acollerá un partido clave para o futuro dos lemistas,
O pasado mes de marzo deu comezo oficialmente a nova tempada de pesca en augas continentais