Visita do vicepresidente económico da Xunta a Bóveda para abordar a dinamización empresarial

O alcalde de Bóveda, José Manuel Arias, acompañou ao conselleiro de Economía, Francisco Conde, na súa visita a este municipio do sur lucense, a comezos de febreiro. GPXG

O impulso dos parques empresariais dos pequenos concellos foi un dos temas tratados na visita que o vicepresidente económico e conselleiro de Economía, Empresa e Innovación, Francisco Conde, realizou ao municipio de Bóveda.

ACHEGAS PARA A MELLORA DOS PARQUES EMPRESARIAIS
A comezos de febreiro, Conde reuniuse co alcalde deste concello, José Manuel Arias, para falar das diferentes liñas de axudas que poden ser de interese para fomentar o desenvolvemento de novas iniciativas empresariais nesta zona. Por unha banda, a Xunta ten en marcha programas de achegas para a mellora dos propios parques empresariais, infraestruturas imprescindibles para atraer inversores e xerar emprego e riqueza. O parque empresarial de Bóveda destaca polo bo ritmo de crecemento en canto ao número de empresas alí implantadas.
Por outra banda, o conselleiro de Economía e Empresa apuntou á creación de viveiros industriais como outra fórmula para estimular o tecido empresarial nas diversas comarcas de Galicia.

Deixa unha resposta

Your email address will not be published.

Nova Anterior

O Concello de Bóveda participa na II edición do proxecto «Hola Pueblo», que pon en contacto a persoas emprendedoras con municipios que buscan poboadores

Seguinte Nova

Os Grupos de Desenvolvemento Rural (GDR) disporán de preto de 23 millóns de euros nos vindeiros tres anos

Últimas noticias sobre ECONOMÍA

A %d blogueros les gusta esto: