O Concello de Monforte leva concedidos máis de 7.800 bonos do Plan de Apoio ás familias e aos sectores económicos locais

Desta volta, foron 2.854 bonos, correspondentes ás solicitudes realizadas a comezos de xullo •Na primeira quenda, entregáronse 5.000 bonos

O alcalde de Monforte, José Tomé, na presentación dos primeiros 5.000 bonos do Plan de Apoio ás Familias e aos Sectores Económicos locais, o pasado 16 de setembro.

Ao longo do mes de setembro, o Concello de Monforte formalizou a entrega dos primeiros bonos correspondentes ao Plan de Apoio ás Familias e aos Sectores Económicos da cidade. Esta medida, posta en marcha en xuño polo Consistorio monfortino, trata de dar osíxeno ao comercio, empresas e particulares de Monforte tras o grave impacto económico da pandemia.
AÍNDA HAI 1.436 SOLICITUDES EN FASE DE REVISIÓN
A finais de setembro, o Concello tiña entregados un total de 7.854 bonos, por un importe global de 196.350 euros, que beneficiarán a 3.089 familias. Ao longo destes días, seguiranse revisando as restantes 1.436 solicitudes, para proceder á súa resolución e información aos beneficiarios.
ATA O 30 DE NOVEMBRO PARA SOLICITAR O REINTEGRO
Tomé lembrou que estes bonos nominais, por importe de 25 euros, «xa se poden utilizar nos establecementos e entidades de calquer sector económico, coa condición obrigatoria de que estean ubicados no Concello de Monforte». Os establecementos nos que se realicen as compras con cargo a estes bonos, terán de prazo ata o 30 de novembro de 2020 para solicitar o reintegro. Para o cobro, é necesario presentar o bono orixinal e o formulario oficial de solicitude que está na web municipal.

COMO RECOLLER E EMPREGAR OS BONOS
•O listado cos beneficiarios de cada quenda pode consultarse no apartado correspondente ao Plan de Apoio na web do Concello de Monforte, e nos taboleiros da Casa do Concello, Casa da Cultura e Multiusos.
•O punto de recollida dos bonos é o Edificio Multiusos, de luns a venres, entre as 08:30 e as 14:30 horas.
•É imprescindible presentar o DNI para recoller os bonos. Se o titular non pode ir, a persoa que os recolla no seu nome deberá presentar unha autorización asinada, segundo o modelo que está colgado na web municipal.
•O periodo para comprar cos bonos remata o 13 de novembro de 2020. Se fose necesario ampliar o prazo, o Concello comunicará o anuncio con antelación.
•Os bonos non inclúen o consumo de bebidas alcohólicas non alimentarias.

Deixa unha resposta

Your email address will not be published.

Nova Anterior

Os veciños do Incio amosan o seu apoio a usuarios e traballadores da residencia

Seguinte Nova

A evolución da cifra dos novos contaxios en Galicia parece confirmar a chegada da temida segunda ola

Últimas noticias sobre ECONOMÍA

A %d blogueros les gusta esto: