Mostra sonora a través de 20 instrumentos musicais do mundo co sarriao Abraham Cupeiro

O musicólogo ofrece unha charla-concerto o venres 18 de setembro en Salcedo

Abraham Cupeiro fará un repaso por unha vintena de instrumentos ancestrais de medio mundo na charla-concerto do venres 18 de setembro en Salcedo. (Foto: BERNARD DOUGHTY)

O local social de Salcedo, na Pobra do Brollón, acollerá este venres día 18 unha charla-concerto de Abraham Cupeiro. A partir das 20:30 horas, o musicólogo sarriao interpretará temas do seu disco “Pangea”, empregando máis de 20 instrumentos ancestrais de todo o mundo. O disco, que interpretou xunto á Royal Philarmonic Orchestra de Londres, foi gravado co selo Warner Classics a finais do ano pasado.

A velada musical servirá para facer unha viaxe no tempo a través de singulares instrumentos ancestrais de varias partes do mundo. Cupeiro, que foi cualificado como “o home que resucita a música da Prehistoria”, amosará aos asistentes as características culturais e sonoras de instrumentos procedentes de lugares tan diversos como China ou o Amazonas. Da man do multiinstrumentista sarriao, o público coñecerá como soaba o karnyx, trompeta celta da Idade do Ferro, ou o duduk, que procede do leste de Europa.

A entrada é libre ata completar aforo, respectando as medidas hixiénico-sanitarias e co uso obrigatorio de máscara. A charla-concerto está organizada polo Concello da Pobra do Brollón, coa colaboración da Asociación Veciñal de Salcedo.

Deja una respuesta

Your email address will not be published.

Noticia Anterior

85.500 euros da Vicepresidencia da Deputación en becas para deportistas individuais

Siguiente Noticia

O colexio de Sober terá unha aula anti-covid grazas á doazón da empresa Pulviplass

Últimas noticias sobre ASOCIACIONISMO

A %d blogueros les gusta esto: