Quiroga estreará este mes a primeira Unidade de Atención Temperá do sur de Lugo

O servizo axudará a detectar e tratar posibles trastornos no desenvolvemento dos cativos de 0 a 6 anos

O alcalde de Quiroga, Julio Álvarez, e a concelleira de Educación e Infancia, Loli Sánchez, na presentación dos profesionais que traballarán na Unidade de Atención Temperá, o 4 de setembro. GPCQ

A finais deste mes, estará operativa a Unidade de Atención Temperá de Quiroga, un servizo multidisciplinar para atender á infancia e tratar a tempo os trastornos no desenvolvemento que poidan manifestar os nenos e nenas de ata 6 anos.

CONSULTA A TRAVÉS DO PEDIATRA, OU POR SOLICITUDE DOS COLEXIOS E DAS PROPIAS FAMILIAS

A presentación do equipo de profesionais que traballarán nesta unidade tivo lugar o 4 de setembro. No acto, ao que asistiron o alcalde, Julio Álvarez, e a concelleira de Educación e Infancia, Loli Sánchez, déronse a coñecer as características deste novo servizo, único no sur de Lugo e o cuarto que se pon en marcha na provincia. A Unidade de Atención Temperá localizarase no edificio do Centro Social, e funcionará por derivación do servizo de Pediatría, encargado de detectar os posibles casos que requiran atención específica. Así mesmo, os centros educativos e as propias familias poderán solicitar este servizo de forma directa. Os nenos e nenas serán atendidos polo equipo da Unidade, integrado por un psicólogo, un logopeda e un fisioterapeuta, especializados en desenvolvemento infantil e atención temperá.

Dende o Concello de Quiroga valoraron a posta en marcha desta Unidade de Atención Temperá, para o que se dispuxo dunha achega de 12.296 euros da Xunta.

Deja una respuesta

Your email address will not be published.

Noticia Anterior

Un documental e unha mostra fotográfica compoñen en Monforte o retrato humano do Camiño de Inverno

Siguiente Noticia

As melloras na traída de auga de Marrube e Vilasatán estarán listas en outubro

Últimas noticias sobre EDUCACION

A %d blogueros les gusta esto: