Máis citas coa música en directo na terraza do Círculo Saviñao

Animación e boa música no concerto ofrecido por Sheila Patricia no Círculo Saviñao o pasado 18 de xullo. CS

A actividade cultural continúa viva no Círculo Saviñao. O dinamismo da directiva e o comportamento responsable do público está a permitir desfrutar da terraza de verán, escoitando boa música en directo con todas as garantías sanitarias.

VELADA MUSICAL CON SHEILA PATRICIA PARA PECHAR A AXENDA DE XULLO
No primeiro mes dende a reapertura trala pandemia, o Círculo acolleu tres actuacións, a última delas a cargo da cantautora Sheila Patricia. A xove artista pontevedresa interpretou un repertorio baseado no seu primeiro disco, «El camino de los sueños», xunto a outras pezas da música galega, portuguesa e sudamericana. A velada musical, animada coa calidez, cercanía e talento desta xove profesora de canto, completouse cun adianto do que será o seu segundo disco.

CITAS DE AGOSTO NA TERRAZA DO CÍRCULO
A axenda cultural segue todo o verán na terraza do Círculo. O sábado 1 de agosto, terá lugar a actuación de David Prado. A seguinte cita será o sábado 8, con Sara Méndez ao saxo e Ana Gayoso ao piano. Os concertos, de entrada libre, son ás oito da tarde.•

Deja una respuesta

Your email address will not be published.

Noticia Anterior

As piscinas municipais do sur lucense arrancan un verán marcado pola covid-19

Siguiente Noticia

Arranca en Vilachá a exposición itinerante do V Concurso Red Ribeira Sacra

Últimas noticias sobre ASOCIACIONISMO

A %d blogueros les gusta esto: