O novo plan do Concello dirixirase a actuacións na Casa Consistorial e no pavillón municipal
O Concello de Bóveda ten en marcha dúas accións de eficiencia enerxética, no pavillón deportivo e na Casa Consistorial, que se financiarán cunha axuda de o Fondo de Compensación Ambiental. O investimento, dun total de 39.548 euros, servirá para, por unha banda, renovar a iluminación do pavillón con lámpadas tipo led, de menor consumo e maior rendemento lumínico. Por outra, a achega custeará a rede de calefacción da Casa do Concello, a primeira renovación que se fai neste sistema. O alcalde, José Manuel Arias, destacou que estas accións reverterán nun mellor servizo, máis seguro e eficiente, deixando atrás instalacións obsoletas. •
