A provincia de Lugo sumouse ao minuto de silencio en memoria das vítimas da Covid-19

Logo de dez días de loito oficial en toda España

Minuto de silencio no Concello de Monforte no último día do loito oficial polas vítimas do coronavirus. GPCM

O venres 5 de xuño á medianoite, rematan os 10 días de loito que decretou o Goberno de España para lembrar ás persoas falecidas como consecuencia da Covid-19. Ao mediodía deste venres, diversas institucións gardaron un minuto de silencio na memoria das vítimas, para poñer fin ao periodo de loito oficial no que as bandeiras ondearon a media hasta.

A subdelegada do Goberno en Lugo, Isabel Rodríguez; o comisario xefe provincial da Policía Nacional, José María Esteban; o coronel xefe da Comandancia da Garda Civil, Miguel Ángel González Arias, e os deputados provinciais Pablo Rivera e Mayra Gómez, no minuto de silencio celebrado o 5 de xuño. GPDGL

ISABEL RODRÍGUEZ: LEMBRANZA PARA TODOS OS AFECTADOS “QUE FORMARÁN PARTE SEMPRE DA NOSA MEMORIA COLECTIVA”

A esta iniciativa sumáronse os membros da Corporación local e funcionarios do Concello de Monforte, encabezados pola primeira tenente de alcalde, Gloria Prada. Na capital provincial, deputados e integrantes do Goberno da Deputación achegáronse ata a sede da Subdelegación do Goberno en Lugo, para cumplimentar o minuto de silencio xunto á titular deste organismo, Isabel Rodríguez. No acto, tamén estiveron presentes o comisario xefe provincial da Policía Nacional, José María Esteban, e o coronel xefe da Comandancia da Garda Civil, Miguel Ángel Gonzáles Arias. Rodríguez destacou a intención deste minuto de silencio “para lembrar a todas as persoas falecidas”, así como “para compartir a dor que sinten as súas familias e amigos”, salientando que todos eles “formarán parte sempre da nosa memoria colectiva”.

Minuto de silencio ao que se sumaron o persoal e as autoridades da Delegación Territorial da Xunta en Lugo, na mañá do venres 5 de xuño. GPDTL

IMPORTANCIA DE RESPECTAR AS NORMAS DE SEGURIDADE E HIXIENE PARA “VENCER DEFINITIVAMENTE AO VIRUS”

No acto en Lugo, a subdelegada do Goberno fixo un chamamento á cidadanía da provincia para que manteñan “o comportamento cívico e solidario” que amosaron durante o confinamento. Rodríguez insistiu na importancia de seguir cumprindo a normativa sanitaria “porque así seremos quen de vencer definitivamente ao virus”.

Deixa unha resposta

Your email address will not be published.

Nova Anterior

Lixeiro repunte de contaxios en Galicia con 24 novos casos

Seguinte Nova

Arrancan os catamaráns da Ribeira Sacra con medidas anti-coronavirus

Últimas noticias sobre CORONAVIRUS

A %d blogueros les gusta esto: