A estrada autonómica de Ferrería do Incio quedará operativa a finais de febreiro

O deterioro da estrada debeuse ao temporal de choiva de finais de ano, que afundiu a plataforma nunha curva entre O Incio e A Ferrería. GPXG

Dentro dun mes, estarán completados os traballos de arranxo da LU-642 de acceso á Ferrería do Incio, que quedou afectada por un temporal de choiva a finais de ano. A Xunta está a traballar no punto quilométrico 21,400, nun tramo de curva no que se rexistrou un desprazamento de terra, no treito entre a capitalidade do Incio e o núcleo da Ferrería.

NOVO TRAZADO PARA EVITAR AFUNDIMENTOS
Segundo explicaron dende a Xunta, o mal tempo provocou retrasos no plan inicial das obras, nas que o Executivo autonómico inviste preto de 200.000 euros. Os traballos van cambiar o trazado sensiblemente, desprazando a calzada de ladeira inestable todo o que sexa posible, tendo en conta a viabilidade técnica. Con este fin, escavouse o noiro de desmonte sen que quede afectada a súa estabilidade, e estase a levantar un muro de contención da plataforma da estrada na marxe oposta. A continuación, procederase a repoñer o firme da calzada e o sistema de barreiras de seguridade para vehículos. Tamén se construirán cunetas revestidas de formigón para evitar futuras filtracións das augas ao terreo, e limitar así o risco de desprendementos.•

Deixa unha resposta

Your email address will not be published.

Nova Anterior

Máis de 150.000 euros de achegas da Xunta para arrancar tres novos negocios na zona sur

Seguinte Nova

O Muferga acolle a exposición «Paz + Paciencia= Conciencia», de Joaquín Balsa

Últimas noticias sobre GALERÍA

A %d blogueros les gusta esto: