O Chantada B logra o ascenso a Segunda Autonómica

Plantilla completa da SD Chantada con todas as súas categorías. SN

O Chantada B xa é o novo equipo da Segunda Rexional logo de derrotar fai unhas xornadas ao Sagrado Corazón, nun partido no que se palpou a ansiedade por conseguir o triunfo nun día tan importante.

Dende a directiva, José Manuel Aguiar quixo deixar constancia da súa alegría: “Estamos encantados co traballo dos adestradores e dos xogadores, era un obxectivo a principio de tempada e agora vese cumprido”. Aguiar explicou que cada vez están a pasar máis rapaces de xuvenís, polo que é convinte ascender de categoría, “así que agora, con este obxectivo cumprido, e a falla de poucas xornadas, o que falta é gañar a Liga”, indicou, “ainda que está o Guntín a 3 puntos e debemos ter coidado nese senso, porque se trata dun gran equipo”. Despois deste logro, para o clube só queda seguir xogando, mentres que a nivel de segunda autonómica “xa veremos unha competición máis atractiva de cara ao espectador, e tamén de cara aos xogadores”.

Tal e como explicou o membro da SD Chantada, un logro destas características para o equipo ven a ser un premio e un recoñecemento a todo o traballo que se estivo a facer; “este ano estamos de líderes destacados na primeira autonómica, esperamos voltar co primeiro equipo a preferente, o Chantada B vai a loitar polo título de liga tamén, e os cadetes están xogando por ser campións de Liga cando o seu obxectivo era simplemente salvarse, con todo isto só nos queda estar agradecidos e contentos polo traballo realizado”, engadiu Aguiar.

Finalmente, dende o clube tamén quixeron agradecer o apoio recibido por parte da afección, xa que ultimamente a asistencia de público aos partidos está a ser masiva.

A Sociedade Deportiva Chantada fundouse no ano 1970, sen embargo hai que destacar que o fútbol en Chantada practícase dende o ano 1915, (tal e como recolle a información do propio clube), ano no que se fundou o primeiro equipo, chamado Atlético, e que xa disputaba encontros con equipos de Lugo e Ourense. Na actualidade, e uns cantos anos despois, as distintas categorías da SD Chantada compiten xa contra algúns dos equipos máis importantes.

Deixa unha resposta

Your email address will not be published.

Nova Anterior

Jesús Vázquez Abad, conselleiro de Educación, destacou o traballo do IES Lama das Quendas, de Chantada

Seguinte Nova

Bendilló activa de novo o muíño de aceite o 20 de marzo

Últimas noticias sobre ASOCIACIONISMO

A %d blogueros les gusta esto: