Chantada: Enredos (Espazo Xove / venres 14 decembro 2018 / 17,30 – 20,30 horas)

O venres 14 de decembro, o Espazo Xove de Chantada acolle a derradeira sesión de Enredos, actividade organizada pola Rede Galega de Dinamización Xuvenil, e dirixida a rapaces e rapazas de entre 18 a 30 anos. Na xornada, que se desenvolve entre as 17,30 e as 20,30 horas, ofrecerase información sobre temas como asociacionismo, programas da Dirección Xeral de Xuventude, educación non formal, voluntariado, viaxes ao estranxeiro, entre otros asuntos. Ademais, os monitores darán resposta ás dúbidas e propostas que planteen os participantes.

Monforte de Lemos: Teatro (Edificio Multiusos / xoves 13 decembro 2018 / 20,15 horas)

Pantón: I Concurso Fotográfico de Nadal de Segredos de Pantón (aberto ata o 30 de decembro 2018)

Chantada: Exposición de artesanía de Domingo Ribao (do 3 ao 28 de decembro 2018/ Casa da Cultura)

A artesanía ocupará o espazo expositivo da Praza do Cantón nos vindeiros días. Dende o 3 ata o 28 de decembro, estará aberta a mostra “Máis alá do raizame”, do artesán Domingo Ribao Docampo. •

Chantada: Terceira e última exposición do Outono Fotográfico (ata o 22 de decembro / Espazo Xove da Casa da Xuventude)

Como remate á edición deste ano, a Casa da Xuventude expón os traballos dos participantes no Outono Fotográfico. A mostra, coa que se pecha esta volta de exposicións, pode verse ata o 22 de decembro. •

Pantón: Exposición “Esgrafiados en la Ribeira Sacra”, de Mar López Sotelo (do 1 ao 21 de decembro / Centro Sociocultural de Ferreira)

Do 1 ao 21 de decembro, poderá verse no Edificio Sociocultural de Ferreira de Pantón a mostra fotográfica “Esgrafiados en la Ribeira Sacra”, de Mar López Sotelo. Na inauguración, ás 20 horas, terá lugar unha charla divulgativa, amenizada con cantos de taberna e un viño da Ribeira Sacra.•

 

Bóveda: Exposición fotográfica “Macros do entorno” de Susy Arias (ata o 24 de decembro 2018 )

Dentro da programación do Outono Cultural, o Edificio Sociocultural do Concello de Bóveda acolle a exposición de fotografía “Macros do entorno”, de Susana Arias González. A mostra estará aberta ata o 24 de decembro.

 

 

 

Deja un comentario

Your email address will not be published.

*