O Concello de A Pobra do Brollón organiza unha Cea-Homenaxe ó piloto local José Luis López Fernández “Chinco”, Campión Galego de Trial na Categoría TR4.
O CONCELLO ENTREGARALLE UNHA PLACA EN RECOÑECEMENTO DOS SEUS LOGROS DEPORTIVOS
A Cea-Homenaxe terá lugar o sábado 15 de febreiro ás 21:30 horas no Restaurante “As Viñas” de A Pobra do Brollón. Durante o acto, o Alcalde de A Pobra do Brollón, Xosé Lois Maceda, faralle entrega dunha placa en nome do Concello polo Campionato Galego de Trial acadado no ano 2013, e tamén pola súa traxectoria no mundo do motociclismo na modalidade de Trial.
