Crónica del sur de Lugo

Residencias da terceira idade contra o desemprego e o despoboamento en Ribas do Sil e O Saviñao

Terreos para a residencia de maiores de Ribas de Sil. CRS.

Os concellos de Ribas do Sil e O Saviñao asinaron a pasada semana os convenios de adhesión para a construcción das únicas dúas residencias e centros de día que a Deputación construirá na zona sur. Ademáis de dar cumprimento a alta demanda deste tipo de servizo social dada a numerosa poboación maior da zona, concíbese coma unha estratexia máis de cooperación cos Concellos e de creación de emprego. Tal e como salientou o presidente provincial José Ramón Gómez Besteiro “é momento de substituír o concepto de austeridade empobrecedora por austeridade enriquecedora onde sexamos capaces de aforrar, e de dicirlle ós veciños en que investimos cada euro que aforramos”. Con estas residencias crearanse arredor de 120 empregos en toda a provincia co levantamento dun total de 10 centros. Suplusa é a entidade que construirá estas infraestruturas, con capacidade en cada caso para 26 persoas. Segundo as directrices da Lei de Servizos Sociais de Galicia, é obrigatorio contratar a un mínimo de coidadores por número de prazas, así como un médico e un ATS que presten atención as 24 horas do día. Tendo en conta a capacidade destas 10 primeiras residencias e centros de día, a Deputación dará traballo ao redor de 120 coidadores, contratando tamén a persoal auxiliar, administrativo, de cociña e de limpeza. Tanto Ribas do Sil coma O Saviñao contan con informes técnicos que detectan a necesidade destes centros, sendo localidades altamente envellecidas e con gran perda de habitantes. Agora estes municipios debe achegar os terreos para escomezar en marzo coa licitación das obras. A Deputación inviste 12 millóns de euros na construción destas infraestruturas, e os concellos, ademáis dos terreos, contribúen con 200.000 euros, o 14% do orzamento Na actualidade, a Xunta ten residencias en Burela, Castro de Rei, Monforte de Lemos e Quiroga. A maiores, subvenciona prazas en centros privados de Chantada, Guntín, O Incio, Lugo, Láncara, Monforte de Lemos, Pastoriza, Sober, O Valadouro, Vilalba e Xove. Mentres, A Fonsagrada, Becerreá e Foz esperan que o goberno galego poña en marcha proxectos similares despois dos compromisos establecidos. Ribas do Sil carece de infraestruturas deste tipo. Pola contra, O Saviñao conta con pisos tutelados construídos polo concello, pero que carecen de prazas públicas, alomenos polo momento, un feito que ten xerado certo malestar en varios sectores.

Deja un comentario

Your email address will not be published.

*

Últimas noticias sobre ECONOMÍA

Ir a Inicio