Crónica del sur de Lugo

Posta en marcha da primeira edición do Plan Renove de equipos de iluminación interior

Eliseo Diéguez, director do Inega, na presentación do Plan Renove de Equipos de Iluminación Interior.

Con pequenos xestos pódese aforrar moito” é a reflexión que presidiu a presentación do novo Plan Renove de Equipos de Iluminación Interior o pasado 19 de xaneiro. Esta liña de axudas que pon en marcha a Consellería de Economía e Industria a través do Inega busca acadar un aforro de 13,2 millóns de euros anuais no total de fogares galegos con tan só cambiar unha lámpada tradicional por outra de baixo consumo. O director do Inega, Eliseo Diéguez García, recordou na súa exposición introductoria á posta en marcha deste Plan Renove que a potenciación do aforro e da eficiencia enerxética segue a ser para a Xunta “un campo de acción prioritario”, e destacou a necesidade de imprimir na cidadanía “unha conciencia solidaria do aforro e a eficiencia enerxética” a través deste tipo de estratexias, sobre todo “no escenario económico actual e coa recente suba da luz”.

O Inega estima un investimento asociado superior aos 2 millóns de euros

 O Plan Renove de Equipos de Iluminación Interior conta cun orzamento de 493.409 euros, destinado a mellorar a eficiencia enerxética a través da renovación das instalacións lumínicas existentes por outras máis eficientes, para reducir o consumo de enerxía. Segundo Diéguez García, este Plan xerará un investimento asociado de aproximadamente 2 millóns de euros, un aforro de enerxía primaria eléctrica de máis de un millón de kilowatios ó ano, e implicará unha redución nas emisións á atmósfera de máis de 180 toneladas de CO2. As previsións dos responsables desta liña de axudas apuntan a que máis de 350 vivendas e edificios do sector terciario se beneficiarán destas melloras.

Prazos para presentar as solicitudes

Esta campaña, que estreouse o 20 de xaneiro, rematará o 30 de xullo deste ano, ou cando se esgoten os fondos correspondentes. Os interesados en beneficiarse desta liña de axudas poderán solicitalas a partir do 6 de abril.

Qué se subvenciona

Este novo Plan presentado polo Inega subvenciona a substitución de luminarias, lámpadas ou reactancias existentes por outras de maior rendemento, lámpadas de maior eficiencia e reactancias electrónicas regulables, sempre que permitan reducir a potencia instalada en iluminación (polo menos nun 30%), cumprindo os requerimentos de calidade e confort visual regulamentarios. O Plan Renove tamén contempla a instalación de sistemas de control por presenza e a regulación do nivel de iluminación segundo aporte de luz natural, axustándose ás necesidades do usuario, e sempre que permitan conseguir un aforro enerxético dun mínimo do 20% anual respecto ás instalacións sen control ou regulación. Calquera tipo de acción que pretenda ser subvencionable deberá supoñer un investimento mínimo de 500 euros. Contías da subvención e procedemento para solicitalas Segundo explicou o director do Inega, Eliseo Diéguez, o procedemento para formalizar as solicitudes ven sendo o habitual nas liñas de axudas que regularmente convoca este organismo. O comprador diríxese a un instalador previamente adherido ó Plan, adquire os materiais, o instalador realiza a solicitude telemática dos fondos na web do Inega, para obter a documentación que o comprador deberá asinar. Nos 60 días naturais tras este trámite, deberase realizar a instalación, cobrar o importe da factura co desconto da axuda, e remitir a documentación ó Inega para o cobro da subvención. Poderán acollerse a esta subvención as comunidades de veciños, persoas físicas ou xurídicas de dereito público ou privado, sempre que a actuación subvencionable se realice en inmobles, edificios de vivendas ou edificios do sector terciario.

Deja un comentario

Your email address will not be published.

*

Últimas noticias sobre ECONOMÍA

Ir a Inicio