O Lugo Emprega pon en marcha a maquinaria para a contratación de traballadores municipais na zona sur

Os grandes municipios da provincia serán os que maior número de postos de traballo crearán coa iniciativa do Lugo Emprega, impulsada pola Deputación Provincial e presentada recentemente. Todos os mecanismos están en marcha e os concellos definen os postos que precisan en función das necesidades laborais a nivel municipal. A punto de ser publicada no Boletín Oficial da Provincia a convocatoria, previsiblemente nesta semana, estes concellos, os de máis de 5.000 habitantes, encargaránse eles mesmos do proceso de selección, que inclúe unha serie de probas.

Chantada

O municipio chantadino contará cun total de 20 novos traballadores en diversas áreas, que absorverán un investimento por parte do organismo provincial de 217.000 euros. Dende o goberno local estableceron as necesidades en diversos ámbitos e contrataranse para reforzar os servizos existentes, oito peóns especialistas en modalidades como a canteiría, a carpinteiría ou a fontanería, así como dous peóns de obras e seis oficiais de albanelería. Por outra banda, requírense traballadores para postos con titulación na área de urbanismo e medio ambiente, que desempeñarán tarefas paralelas ás dun funcionario do grupo C1. Neste ámbito requírese un técnico en medio ambiente, un técnico de dinamización turística e un administrativo. A Policía Local contará tamén cun reforzo, que terá que ser unha persoa con titulación na área de seguridade.

 Monforte

A segunda capital da provincia, Monforte, contará con 30 dos empregados e un investimento de máis de 326.000 euros. Os operarios de obras e os operarios de medio ambiente concentrarán a maioría da oferta, cunha decea de traballadores en cada unha das dúas áreas. A aposta do Concello polo Turismo e as necesidades de reforzar os servizos que se ofrecen aos visitantes, veránse beneficiadas coa contratación de tres operarios de turismo con titulación na materia. En Cultura tamén haberá dous novos traballadores, e na administración Monforte contratará a catro profesionais, dous para procesos de xestión e outos dous para información cidadá.

Deixa unha resposta

Your email address will not be published.

Nova Anterior

Conta atrás para a preparación de máis solo industrial en Chantada

Seguinte Nova

As comarcas da zona sur e Sarria contarán con cobertura total contra incendios en maio

Últimas noticias sobre ECONOMÍA

A %d blogueros les gusta esto: