Julia Rodríguez, candidata do PP á alcaldía de Monforte

Julia Rodríguez foi presentada recentemente como candidata do Partido Popular á alcaldía de Monforte, nun acto que contou coa presenza e o respaldo do presidente da Xunta de Galicia Alberto Núñez Feijoo. A presentación oficial da abogada monfortina ante os militantes, simpatizantes e demais membros do partido tivo lugar no restaurante Don Manuel. Rodríguez, que é filla de Julia Barreira, quen foi concelleira do PP co ex alcalde Nazario Pin, asegura afrontar esta nova etapa con moita responsabilidade e ilusión.

¿Como afronta este novo reto de ser cabeza de lista nas vindeiras eleccións municipais?

 Afronto esta nova etapa con moita responsabilidade por suposto. Hai que ter en conta que vou a ser a cabeza visible, así que se trata dunha tarefa a desenvolver con moita responsabilidade, pero tamén con moitísima ilusión e gañas de traballar polo futuro de Monforte.

Conta co respaldo do partido, pero tamén co apoio do presidente da Xunta de Galicia que asistiu á súa presentación como candidata.

Así é. Temos que agradecerlle ao presidente da Xunta, Alberto Núñez Feijóo a súa presenza neste acto. En momentos como os actuais de crise económica fai falla máis que nunca o seu respaldo, tanto polos seus compromisos como pola súa forma de traballo e xestión.

¿Como ve as perspectivas de futuro de cara as vindeiras eleccións?

Pensamos que tanto as perspectivas como as expectativas dentro do Partido Popular son bastante boas. De momento vamos a traballar por iso sabendo que somos moi positivos. Ademáis somos coñecedores de que contamos cun nicho de voto importante, tal e como veñen amosando os nosos votantes.

En canto ás posibilidades, eu creo que sí as hai e por iso mesmo vamos a traballar e a loitar.

¿Pódenos adiantar alguna promesa electoral ou compromiso a destacar?

Polo de agora non podemos adiantar nada. Estamos comezando, queda moito tempo e temos moito traballo por diante. O que sí teño claro é que vou a facer todo o que esté nas miñas mans para loitar pola mellora e o futuro de Monforte.

¿E as liñas principais que vai a seguir o seu programa? ¿Teñen xa definida como se vai a desenvolver a campaña?

De momento só podo adiantarlle que as liñas principais a seguir van a ser traballar, traballar e traballar. Polo demáis, a liña básica a día de hoxe ainda non está definida. Queda moito camino por percorrer e de momento estamos coa presentación da candidata. Hai que ter en conta que os demáis partidos ainda nin sequera fixeron público o seu candidato, polo que vamos a centrarnos nesta presentación e co paso dos días iremos perfilando os demais aspectos. En canto á campaña, temos unha folla de ruta elaborada cos primeiros pasos, pero teño que repetir que de momento non podemos adiantar nada.

Deixa unha resposta

Your email address will not be published.

Nova Anterior

Pequenos arranxos en distintas parroquias

Seguinte Nova

Ribeira Sacra pecha o ano cos Premios Aosta

Últimas noticias sobre GALERÍA

A %d blogueros les gusta esto: