O Museo Etnográfico de Quiroga acolle estes días e ata despois de Nadal unha exposición do grupo Amárgama. Trátase dunha serie de láminas, unas 37, que combinan poemas do grupo con ilustracións, diversas fotografías e lenzos de distintos autores. En resumo, o que pode contemplarse é a historia poética de Amárgama acompañada de fotografías.
A colección, que estivo na galería Sargadelos de Monforte de Lemos dende o pasado 22 de outubro ata o 20 de novembro, trasladarase despois de Quiroga a Lugo e A Coruña, ainda que as datas están por fixar.
O grupo Amárgama comezou coa súa traxectoria despois de que, por certas afinidades, un grupo de xente decidira xuntarse. Asi foi como comezaron a recitar por distintos lugares. Despois disto chegaría unha revista xa fai preto de catro anos. Unha revista que previsiblemente saque á rúa o seu número cinco para o mes de marzo.
Aparte de todas estas inciativas Amárgama tamén conta con un foro de participación en internet, así como recitais dentro e fóra de España.
Agora, os seus proxectos de futuro máis inmediatos pasan por concluir o número cinco da súa revista, e tamén por organizar un concurso de poesía a nivel de institutos.
