O PSOE pide que se revise a idea e o proxecto para construír unha residencia de discapacitados en Bóveda

O PSdeG-PSOE de Bóveda denunciou nos pasados días que o alcalde desta localidade descoñece o estudo de viabilidade do proxecto para a residencia de discapacitados intelectuais graves que se está a facer no polígono industrial “xa que se trata dunha empresa privada a que o fai’, segundo afirman os socialistas que alega o mandatario local. O voceiro do PSOE na corporación, Pablo Arrais, explicou a través dunha nota de prensa que o seu grupo recibiu esta resposta no pleno do pasado día 31 de setembro.

CRÍTICA Á XUNTA

O PSOE local afirma que, segundo o rexedor, “efectivamente é un proxecto privado”, pero puntualiza que “se financia con cartos públicos e onde o Instituto Galego de Promoción Económica (IGAPE) vai a financiar 4 millóns de euros, “co cal non nos podemos remitir estrictamente ao ámbito privado, e máis cando o Conselleiro de Economía, o Director Xeral do IGAPE, o alcalde de Bóveda e a delegada territorial da Xunta en Lugo, estiveron visitando a residencia e “a bombo e platillo fixeron alarde dos millóns que a Xunta ía investir nese proxecto”cometa Arrais. O voceiro do PSdeG-PSOE de Bóveda esixe ao goberno municipal “que se moleste en coñecer o estudo de viabilidade e que teña en conta a opinión das asociacións de discapacitados e federacións das mesmas, que son os que mellor coñecen a situación dos seus afectados”, xa que hai uns meses se teñen oposto á construción dun centro destas características. O proxecto preve “presuntamente” un investimento total de 8 millóns de euros, indica Arrais.

Deixa unha resposta

Your email address will not be published.

Nova Anterior

Os ‘indignados’ impulsan un foro social na comarca

Seguinte Nova

Novembro, unha nova chamada contra a violencia de xénero

Últimas noticias sobre POLÍTICA LOCAL

A %d blogueros les gusta esto: