A Área de Cultura da Deputación, a cargo da nacionalista Maite Ferreiro, destinará 20.000 euros a apoiar o labor de dinamización sociocultural que vén realizando dende hai máis de 40 anos a asociación Xermolos. Impulsada e coordinada por Alfonso Blanco, Xermolos leva catro décadas dando pulo a diversas iniciativas, como é o Festival de Pardiñas, que este ano cumpriu o seu 41 aniversario desafiando á pandemia e adaptándose ás circunstancias. «Unha filosofía filosofía na que coincidimos porque cremos que a cultura é imprescindible e que as creadoras e creadores necesitan agora máis que nunca do noso apoio”, salientou Ferreiro na sinatura do convenio. Ademais deste evento, Xermolos organiza anualmente decenas de actividades en varios eidos, e mantén espazos como A Casa da Artes e a Casa das Palabras.•
