NADAL CON VIÑOS DE AMANDI. En Sober seguen con proxectos para poñer en valor a súa riqueza, nesta ocasión centrándose no viño e nas celebracións de finais de ano. No tramo final deste atípico 2020, o Concello lanza a campaña “#Amandízate, este Nadal brinda con viño de Amandi”, co obxectivo de promover a venda dos viños desta subzona da Denominación de Orixe Ribeira Sacra. O slogan estase a difundir nos medios de comunicación e nas redes sociais, xunto a un listado con todas as adegas de Sober que están a vender viño. O directorio vai acompañado de cadanseu número de teléfono e páxina web para que os consumidores poidan tramitar os pedidos de botellas de viño de Amandi, e desfrutar do Nadal brindando con este produto autóctono.
Dende o Concello soberino animaron a compartir nas redes, a través do cancelo #Amandízate, da foto do brinde diante das letras de gran tamaño e color viño que se colocou na Praza do Concello.
A campaña está integrada na axenda de actividades do Mes de Amandi, nun ano marcado pola pandemia. O acto principal será a Feira-Mostra do Viño de Amandi 2020, que terá lugar no Hotel Pazo de Sober os días 5 e 6 de decembro.•
Últimas noticias sobre INICIATIVAS
A Asociación Provincial de Empresarios de Hostalería e Turismo de Lugo (Apehl) presentou o pasado 8
Dende o Concello da Pobra do Brollón, veñen de promover unha campaña a prol do compostaxe
O alcalde-presidente do Ilmo. Concello de Bóveda, José Manuel Arias López, vén de informar nun recente
O Concello de Bóveda preparou un amplo calendario de eventos para celebrar o Día Internacional da
A deputada de Cultura Iria Castro instou os centros de ensino a participar na terceira edición