SEGUE A AXENDA TEATRAL NO MULTIUSOS DE MONFORTE

Monforte acolle representacións de tres programas teatrais de ámbito autonómico.

A mediados de novembro, tivo lugar no salón de actos do Multiusos de Monforte a representación da obra “A conquista da escola de Madhubai”, da compañía Teatro do Atlántico. A peza, escrita por Helène Cixous e dirixida por Xulio Lago, foi interpretada por María Barcala, Sheyla Fariña e César Goldi. A historia está inspirada na personaxe de Phoolan Devi, á que se lle coñecía como “a raíña dos bandidos”, toda unha referencia para o feminismo na India.

MEDIDAS ANTICOVID NOS EVENTOS DO MULTIUSOS
Esta foi a terceira cita da programación teatral de Monforte dirixida ao público adulto neste semestre, e ofrecida pola Rede Galega de Teatros e Auditorios. Os eventos teatrais no Multiusos están adaptados á normativa sanitaria, cunha redución do aforo que limita o acceso a só 30 persoas. Ademais, a venda de entrada realízase unha hora antes do inicio da función. Así mesmo, o público debe acceder ao recinto media hora antes de que comece a representación, para garantir o control do aforo. Os asistentes deben aplicar xel hidroalcohólico nas mans á entrada, e ter posta a máscara ao longo de toda a sesión.•

Deixa unha resposta

Your email address will not be published.

Nova Anterior

A PLATAFORMA INTERIOR VIVO GALEGO CRITICA AS DIRECTRICES DA XUNTA PARA AS MATANZAS NA PANDEMIA

Seguinte Nova

CONTA ATRÁS PARA COÑECER OS GAÑADORES DO CONCURSO DE POSTAIS “NADAL NO SAVIÑAO”

Últimas noticias sobre AXENDA

A %d blogueros les gusta esto: