Este sistema, posto en marcha pola Xunta a finais de outubro, é totalmente gratuíto. No anuncio, o presidente da Xunta destacou a importancia desta medida «fundamental para que as explotacións agrogandeiras poidan subsistir», o que non só axuda aos titulares das granxas, senón tamén ao mantemento da cadea de industria da alimentación en Galicia. Do que se trata, segundo precisou Núñez Feijóo, «é que non haxa efectos complicados, e que non haxa ningunha explotación que teña que pechar por non poder atender os aspectos básicos do seu funcionamento ordinario».
Entre as funcións que desenvolverán os traballadores de substitución están «a alimentación do gando, o muxido das vacas en ordeño ou a xestión de produtos perecedoiros».
O servizo está encomendado á empresa pública Seaga, cunha dotación de 1.600 días de traballo mediante cuadrillas de dúas persoas, equipadas con vehículo e con materiais de protección laboral e sanitario fronte á covid-19. •
Últimas noticias sobre INICIATIVAS
A ONG SOGAPS (Solidariedade Galega co Pobo Saharaui) continúa coa súa labor de difusión do programa
O Mesón Ferreiriño alzouse co título de tapa gañadora no concurso Val de Quiroga de Tapas
O Xeoparque Montañas do Courel lanzou un concurso para seleccionar o seu novo logo, adaptado ás
O Obradoiro Dual de Empleo Serra do Faro VIII está a facer unha importante contribución á
O Concello de Sober converteuse esta semana no epicentro do lanzamento do «O Encontro de Sober»,