Crónica del sur de Lugo

Deseños clásicos do automóbil véronse en Monforte no arranque do VIII Rally Turístico Terras do Incio

Os 24 vehículos clásicos de marcas exclusivas iniciaron en Monforte un itinerario puramente lucense, nunha edición marcada polas medidas sanitarias

Inauguración do VIII Rally Turístico Terras do Incio, na monfortina Praza da Compañía, o pasado 8 de xullo. GPCM

Monforte foi o punto de partida da oitava edición do Rally Turístico Terras do Incio, que arrancou dende a cidade do Cabe o 8 de xullo, para proseguir por terras lucenses ata o día 14.
A explanada da Compañía reuniu aos 24 vehículos participantes, todos de marcas exclusivas e con deseños sorprendentes.

REDUCIÓN DO NÚMERO DE PARTICIPANTES E MEDIDAS HIXIÉNICO-SANITARIAS PARA UN EVENTO MÁIS SEGURO
O Rally Terras do Incio, que se desenvolve ata o 14 de xullo, limitou este ano o número de vehículos participantes, debido ás restriccións impostas pola alerta sanitaria. Para garantir un evento sen contaxios, a organización xa confirmou os protocolos hixiénico-sanitarios tanto cos establecementos hoteleiros como cos restaurantes, e informaron a todos os participantes das medidas que deben seguir durante a súa participación.

A RIBEIRA SACRA E O COUREL, NO MAPA DO RALLY DESTE ANO
O percorrido deste ano concentrouse en terras lucenses. O mércores 8 de xullo, os vehículos que toman parte no Rally Terras do Incio estiveron expostos na emblemática praza da Compañía. Logo da saída dende a cidade do Cabe, pilotos e acompañantes continuarán o seu itinerario turístico pola Ribeira Sacra, a Serra do Courel, a cidade de Lugo, a Mariña lucense e a Terra Chá, entre outros enclaves de interese da provincia.

VEHÍCULOS EXCLUSIVOS CHEGADOS DE ESPAÑA, FRANCIA E PORTUGAL
A comitiva de coches clásicos está integrada por modelos exclusivos de marcas como Mercedes, Jaguar, Aston Martin, Masseratti, Morgan, Porsche, Lotus ou Ford. A procedencia dos participantes é moi diversa, con pilotos chegados de varios puntos de España, así como de Portugal e Francia.

O RALLY, UN EVENTO DE PROMOCIÓN
Na inauguración do rally, o alcalde de Monforte lembrou que este evento «amosa a riqueza da cidade, da Ribeira Sacra e de toda a provincia de Lugo». •

Deja un comentario

Your email address will not be published.

*

Últimas noticias sobre ASOCIACIONISMO

     
Ir a Inicio