O maior lote destinouse ao Centro de Atención a Persoas con Discapacidade de Sarria, e tres unidades foron á residencia de Monforte
A comezos de xuño, a Xunta completou a renovación de camas en residencias de maiores e centros para persoas con discapacidade. No conxunto da provincia de Lugo, distribuíronse 111 novas unidades, aportadas pola Consellería de Sanidade, entre cinco dependencias. En Galicia, a mellora beneficia a 18 centros, que están a recibir da Consellería de Política Social a derradeira entrega de camas, ata completar algo máis de 440 unidades.
Na zona sur, a residencia de maiores de Monforte recibiu hai meses tres novas camas, e a entrega máis recente, efectuada a primeiros de xuño, realizouse no Centro de Atención a Persoas con Discapacidade de Sarria, cun lote de 70 unidades.
No resto da provincia, a Xunta renovou 24 camas na residencia de maiores de Burela, nove na da Milagrosa e outras cinco na das Gándaras, ambas situadas na cidade de Lugo.
