Crónica del sur de Lugo

A Deputación proporá un catálogo de espectáculos a concellos e asociación para dar pulo ás compañías lucenses

A iniciativa conta co apoio dos profesionais do teatro, e estaría en marcha a mediados de xullo

A vicepresidenta da Deputación e Área de Cultura, Maite Ferreiro, durante a xuntanza telemática cos representantes de sete compañías de teatro lucenses, o 2 de xuño. GPVDL

A Área de Cultura da Deputación, dependente da Vicepresidencia, vén de propoñer a creación dun catálogo de espectáculos teatrais para que as compañías lucenses recuperen a actividade, logo do parón pola crise sanitaria. A idea planteouna a vicepresidenta da Deputación e responsable de Cultura, Maite Ferreiro, aos responsables de sete compañías de teatro da provincia, nunha xuntanza telemática. A proposta acadou o visto bo dos profesionais, coa intención de recuperar o espíritu da programación Proscenio. Na xuntanza, estiveron presentes responsables de Palimoco Teatro, Trécola Teatro, Itaca Teatro, Mircromina Títeres, Lila Teatro, Titireterra e Pinconús Teatro.

CULTURA FINANCIA O 100% DO ESPECTÁCULO, QUE SERÁ A CUSTE CERO PARA CONCELLOS E ASOCIACIÓNS

Ferreiro precisou que o catálogo incluiría un espectáculo por cada compañía, e o conxunto deles ofreceríase a concellos e asociacións da provincia para que escolleran os máis axeitados ás súas programacións culturais. A Área de Cultura asumirá o custe íntegro dos espectáculos, que se valorarán en función do caché de cada compañía. En anteriores edicións, o custe compartíase con concellos e asociacións, que debían asumir a metade do caché. A Vicepresidencia destina un orzamento de 50.000 euros co fin de que “todas as compañías conten con algunha actuación”.

IMPULSO CULTURAL AOS CONCELLOS, E APOIO AOS PROFESIONAIS DA CULTURA

A vicepresidenta da Deputación apuntou que xa traballan na tramitación deste procedemento, co fin de “completalo no menor tempo posible, de xeito que as compañías poidan facer as primeiras representacións a mediados de xullo”. Maite Ferreiro salientou que se trata de axudar aos concellos a que retomen a súa actividade cultural, “e apoiar aos traballadores e traballadoras da cultura, un dos sectores máis prexudicados pola crise sanitaria”.

Deja un comentario

Your email address will not be published.

*

Últimas noticias sobre ASOCIACIONISMO

Ir a Inicio