Novas actuacións para conservar o legado románico de Pantón

Con máis de 40.000 euros, a Xunta acondicionará a contorna e o adro de Atán, ademais de actuar na conservación das pinturas murais

O románico é un dos elementos representativos de Pantón e de toda a Ribeira Sacra. Na imaxe, detalle da igrexa de San Miguel de Eiré, en Pantón. TXG

O románico da Ribeira Sacra verase reforzado cunha nova restauración, que se centrará nun dos templos máis significativos do patrimonio monumental de Pantón. A Xunta vén de iniciar os trámites para a restauración de varios elementos da igrexa de Santo Estevo de Atán, cun investimento que supera os 40.000 euros. A acción está cofinanciada polo Fondo Europeo de Desenvolvemento Rexional no marco do programa operativo Feder Galicia 2014-2020. O proxecto, a cargo da Consellería de Cultura a través da Dirección Xeral de Patrimonio, dará continuidade ás accións desenvolvidas neste mesmo espazo entre os anos 2002 e 2015.

DETALLE DAS ACTUACIÓNS

Desta volta, os traballos centraranse na recuperación dos muros da contorna da igrexa, ademais de verificar a correcta drenaxe perimentral e o estado das canalizacións de pluviais. No exterior do edificio, procederase á limpeza e á substitución de morteiros do muro sur. Respecto ao interior do templo, vaise aumentar a separación dos vidros para mellorar a ventilación, e se realizará un mapeo das pinturas murais, xunto a toma de mostras diagnósticas para resolver posibles deterioros.

O proxecto ten un prazo de execución de seis semanas, para dar solución aos problemas detectados neste edificio.

Deixa unha resposta

Your email address will not be published.

Nova Anterior

Os arranxos no IES Lama das Quendas estarán listos para o inicio do vindeiro curso

Seguinte Nova

Os concellos do sur lucense reciben outra quenda de epis da Xunta

Últimas noticias sobre CULTURA

A %d blogueros les gusta esto: