Sober facilita a desescalada aos universitarios e estudantes de secundaria

O Concello establece un protocolo para usar de xeito seguro a aula de informática e a biblioteca, con acceso gratuíto a internet

Aula Municipal de Novas Tecnoloxías de Sober, á que os estudantes de Secundaria e universitarios poden acceder con cita previa durante a desescalada. GPCS

A pesares do estado de alerta e con toda a excepcionalidade propia da situación, o curso escolar segue adiante, e enfila nestes días a súa recta final. Para facilitar aos estudantes de Secundaria e Formación Profesional, así como aos que cursan grados universitarios, o Concello vén de establecer un protocolo para empregar a Aula Municipal de Novas Tecnoloxías e a Biblioteca Municipal. O protocolo esixe o mantemento da distancia social e, para poder cumplilo, é preciso solicitar cita previa de uso destes espazos.

CITA PREVIA POR TELÉFONO OU POR CORREO ELECTRÓNICO

Deste xeito, aqueles estudantes que desexen traballar nun entorno máis tranquilo e recollido que facilite a concentración, ou ben precisen acceder ao fondo bibliográfico ou a internet de balde, deberán solicitar cita previa a través dos teléfonos 982 40 05 13 e 982 46 04 14, ou dos correos electrónicos biblioteca@concellodesober.com, informatica@concellodesober.com.

Pola súa banda, o Concello garantirá o mantemento dunha correcta desinfección destes locais e de todos os materiais que ofrecen.

Deixa unha resposta

Your email address will not be published.

Nova Anterior

Galicia rexistra un total de 2.727 casos activos por coronavirus

Seguinte Nova

Retoman as obras do novo centro de saúde do Saviñao

Últimas noticias sobre CULTURA

A %d blogueros les gusta esto: