O Concello da Pobra do Brollón inicia un ciclo de concertos en internet

Poderase seguir en directo na páxina de Facebook do Concello

O Concello da Pobra do Brollón acollerá nas próximas semanas un ciclo de concertos ‘online’ para seguir programando cultura na corentena.
Debido á emerxencia sanitaria causada polo coronavirus, non é posible realizar eventos presenciais, polo que o Concello da Pobra do Brollón traslada parte da súa programación ás redes sociais.
Baixo o nome de ‘Cos Pés na Casa’ – que fai referencia ao ciclo de concertos ‘Cos Pés na Terraza’ organizado polo Concello o verán pasado – retransmitirase unha serie de concertos en directo na páxina
de Facebook do Concello.
O primeiro concerto é este sábado 28 ás 21:00 co músico de Salcedo Alexandre González, quen tocará un repertorio en directo con voz e piano dende o seu confinamento na Coruña.
‘Somos un Concello cunha clara aposta pola cultura e queremos seguir sendo así a pesar das restricións actuais,’ declara o alcalde Xosé Lois Maceda. ‘Dentro das nosas posibilidades, eliximos apoiar aos
artistas e ofrecer entretemento de calidade para os nosos veciños e veciñas, e quen queira unirse a esta iniciativa dende as súas casas.’
O Concello da Pobra do Brollón respondeu rapidamente á nova realidade causada pola emerxencia sanitaria lanzando a semana pasada Guimaralia Te Ve, cunha emisión dun vídeo diario nas redes sociais en colaboración con veciños e achegados.
Agora, a través de ‘Con Pés na Casa’, volven innovar. ‘Gustaríanos que esta iniciativa animase a otros programadores a seguir apoiando aos artistas, que viron cancelados todos os seus eventos para varios meses,’ comenta o técnico de cultura do Concello, Xosé Gago. ‘Inauguramos ciclo cun artista moi querido na Pobra do Brollón e tamén cun gran seguimento fóra da Guimaralia. Animamos a todo o mundo a conectarse este sábado para gozar da súa música.

BREVE BIOGRAFÍA DO ARTISTA

Alexandro González comezou a súa carreira musical a moi curta idade estudando solfexo e piano clásico; estudos que con máis idade orientaría ao jazz e á composición. A súa actividade profesional dirixiuse tanto á docencia como á composición e produción de discos, bandas sonoras, música para anuncios ou teatro. En canto á docencia, Alexandro impartiu clase de piano e música e movemento na Escola Municipal da Pobra do Brollón entre 2014 e 2018. Como

compositor conta cun importante número de traballos, entre os que destacan a composición de bandas sonoras de documentais como Regreso á Orixe ou Auga. O Sangue da Terra; música para as campañas
publicitarias de Deleite, Down España ou Zara; a composición do espazo sonoro da obra de teatro Mundo Lois dirixida por Antón Reixa; ou a participación como compositor, produtor, arranxista ou intérprete en discos de Los Árboles, Pardo, Espiño, Los Chavales, Sensacional, Capitán Sonoro, Batusi ou Meu.

Deixa unha resposta

Your email address will not be published.

Nova Anterior

O Concello de Bóveda reparte mascarillas protectoras nos locais que traballan de cara ao publico

Seguinte Nova

A BRILAT DESPREGA OS SEUS EFECTIVOS EN MONFORTE

Últimas noticias sobre CULTURA

A %d blogueros les gusta esto: