A Xunta convoca axudas por 26 millóns de euros para modernizar a transformación de produtos agrarios

•As empresas interesadas poden solicitalas ata o 24 de febreiro

Imaxe da visita do delegado da Xunta en Lugo, o 6 de febreiro, á empresa láctea Celega, do Saviñao, que contou cunha axuda de Medio Rural para a súa modernización. GPDTL

O apoio á industria agroalimentaria conta cunha nova partida de 26 millóns de euros para o periodo 2020-2022. A Xunta ten aberto ata o 24 de febreiro o prazo para solicitar as subvencións para a comercialización e transformación de produtos agrarios, que axudarán a levar a cabo proxectos de construción, adquisición e mellora de bens inmobles, e tamén compra de terreos, maquinaria e equipamentos novos, programa informáticos ou patentes e licenzas vinculadas aos procesos produtivos.

O LÁCTEO, FONTE DE RIQUEZA NO RURAL
Un exemplo do apoio da Xunta á industria agroalimentaria é a láctea Celega, do Saviñao, que contou cunha subvención da Consellería do Medio Rural por importe de 1.066.000 euros. No conxunto das melloras, a empresa investiu preto de 2,4 millóns, cos que ampliou as dotacións, mellorou o sistema enerxético e de depuración, ademais de poñer en marcha unha nova liña de produción de callada, e adquiriron novos equipamentos para o laboratorio.
Esta empresa do Saviñao dá emprego a unha trintena de traballadores, e recolle a maior parte do leite nas gandeirías da contorna. Na visita que realizou a comezos de febreiro o delegado da Xunta, Balseiro destacou que os procesos de transformación «son fundamentais para engadir valor ás nosas producións, e moi singularmente ao leite». O delegado gabou «o esforzo» dos responsables de Celega «por continuar medrando e xerando riqueza e postos de traballo no Saviñao e na comarca».

Deixa unha resposta

Your email address will not be published.

Nova Anterior

Viaxe polas máscaras do Entroido galego no Espazo Xove de Chantada

Seguinte Nova

Coidadores de persoas con dependencia aprenderon a mellorar a súa propia calidade de vida nun curso en Monforte

Últimas noticias sobre ECONOMÍA

A %d blogueros les gusta esto: