Xa están operativas as novas instalacións da Unidade Asistencial de Drogodependencias de Monforte

O servizo da UAD funciona dende mediados de setembro no número 17 da Praza da Estación

A inauguración das novas oficinas da UAD contaron coa presenza do alcalde e varios concelleiros, xunto ao equipo directivo e persoal da Unidade. GPCM

O mércores 11 de setembro, quedaron inauguradas as novas instalacións da Unidade Asistencial de Drogodependencias (UAD) do Concello de Monforte, no número 17 da Praza da Estación. O servizo municipal trasladouse este mes ao coñecido como o cuarto de axentes do ADIF, deixando libre o seu anterior emprazamento no edificio de Sanidade, na Avenida de Galicia. A intención do Concello é destinar este inmoble, unha vez acondiocionado, como sede da nova Comisaría da Policía Nacional.

Na inauguración na nova sede da UAD, o alcalde, José Tomé,salientou que o traslado “permitirá dar un mellor servizo aos usuarios”, ao tempo que a plantilla da Unidade, integrada por sete persoas, “poderá traballar con máis comodidade e en mellores condicións”.

O acondicionamento do antigo cuarto dos axentes do ADIF para o uso da UAD supuxo unha renovación integral da planta Baixa do edificio. GPCM

O edificio no que está a UAD ten varias plantas, pero só se acondicionou a planta baixa, porque dispón de espazo suficiente para levar a cabo as funcións deste servizo con total comodidade. En 306 metros cadrados construídos, a superficie útil é de case 266 metros. Na reforma, renovouse completamente a división anterior dos espazos, para responder ás necesidades planteadas polo persoal e a dirección da Unidade. Finalmente, o proxecto concretouse en 14 espazos, con sala de espera, dous baños, sala de terapias, laboratorio, taller, almacén e sete despachos. A renovación estructural da planta baixa incluiu tamén unha nova instalación eléctrica, de saneamento e abastecemento, así como da carpintería de aluminio en portas e ventás.

As novas oficinas da UAD no Barrio da Estación permitirán dar un mellor servizo con máis comodidade para a plantilla do centro. GPCM

En total, o proxecto tivo un custo de 90.000 euros, financiados con aportacións do Plan Único da Deputación de Lugo e fondos propios do Concello.

Deixa unha resposta

Your email address will not be published.

Nova Anterior

50 municipios lucenses beneficiáronse das 150 obras realizadas nos obradoiros da Xunta

Seguinte Nova

Melloras na sinalización en dúas estradas da Xunta que pasan por Monforte e Bóveda

Últimas noticias sobre GALERÍA

A %d blogueros les gusta esto: