•A xornada da feira do 14 animouse con música e danza tradicionais, e actividades para todos os públicos
O campo da feira de Rubián acolleu unha nova edición da Feira Tradicional Outrora de Bóveda, que recupera o espírito e o ambiente das feiras galegas de finais do século XIX e comezos do XX. O entorno da capela do Ecce Homo converteuse, durante a xornada do 14 de xullo, nun espazo histórico no que os visitantes puideron viaxar no tempo para lembrar os oficios tradicionais, as pezas de artesanía que serviron ás tarefas do campo e da casa galega, e participar en xogos que divertiron a varias xeracións nos últimos 100 anos.
