Crónica del sur de Lugo

Candia presentou ao equipo provincial do PP e unha proposta para gobernar a Deputación

• A alcaldesa de Mondoñedo deu a coñecer un proxecto “solvente” que se pode “poñer en marcha mañá mesmo”

O Grupo do Partido Popular na Deputación de Lugo, con Elena Candia á fronte, o pasado 6 de xullo. (Foto: PP Provincial)

Á espera de que se constitúa o novo Goberno na Deputación de Lugo, os populares xa teñen definido o que será o seu equipo de traballo no organismo provincial. A presidenta do Partido Popular lucense e deputada pola Mariña, Elena Candia, deu a coñecer aos 12 deputados desta formación, cinco dos cales estréanse no cargo. Días despois, fixo pública a súa intención de gobernar a Deputación cun proxecto “solvente” que se pode poñer en marcha “mañá mesmo”. Candia fixo chegar unha carta aos deputados do PSOE e do BNG pedindo “que nos deixen gobernar, porque somos o partido gañador das eleccións”. A líder dos populares lucenses destacou que “a provincia merece un Goberno capaz de antepoñer os intereses dos veciños á súas liortas internas”.

CANDIA: “A PROVINCIA, O NOSO ÚNICO COMPROMISO”
Na presentación do seu equipo, a tamén alcaldesa de Mondoñedo salientou que “o noso único compromiso é a provincia”, ao tempo que lle pediu ao PSOE “que deixe de utilizar as institucións como instrumento para arranxar as desavenencias internas”.

CINCO ESTREAS
Neste mandato, incorpóranse ao grupo do PP na Deputación a alcaldesa de Folgoso do Courel, Lola Castro, polo partido xudicial de Monforte; e o rexedor de Palas de Rei, Pablo Taboada, polo partido xudicial de Chantada. Tamén inician a súa andadura no organismo provincial o alcalde de Friol, José Ángel Santos, ademais do candidato popular de Foz, Javier Castiñeira.
Polo partido xudicial de Mondoñedo, acompaña a Castiñeira e a Candia o alcalde do Vicedo, Jesús Novo. O que fora rexedor de Vilalba, Agustín Baamonde, será deputado por este partido xudicial. Representando ao de Lugo, continúa o sarriao José Antonio García, ademais de Jesús Núñez, Francisco Balado e José Pardo, coa nova incorporación de Óscar Poy, concelleiro en Lugo.

PARTIDO GAÑADOR
Candia presentou o seu equipo ás porta do Pazo de San Marcos, lembrando que o PP foi o que gañou as eleccións, polo que “estamos en disposición de gobernar”. Ademais, apuntou que “se os que perderon non nos deixan gobernar, faremos unha oposición construtiva e coherente”. •

Deja un comentario

Your email address will not be published.

*

Últimas noticias sobre GALERÍA

Ir a Inicio