O Ecomuseo Pazo de Arxeriz estrea vídeo promocional no mes que enxalza a obra de Antón Fraguas

Antón Fraguas, homenaxeado nas Letras Galegas, pasou unha estadía de investigación no Pazo de Arxeriz. Arquivo EC

Na semana das Letras Galegas, o Ecomuseo Pazo de Arxeriz encheuse de actividade, no marco da celebración da 6ª Museum Week. Esta iniciativa internacional trata de mobilizar, visibilizar e incrementar entre a cidadanía o interese polo eido cultural a través da posta en valor dos museos. Así, do 13 ao 17 de maio, o Ecomuseo realizou publicacións diarias nas súas redes sociais, baixo sete hashtags diferentes. A semana completouse con entrada gratuíta ao Ecomuseo o sábado 18 de maio.
Estas actividades tiveron máis relevancia no Ecomuseo Pazo de Arxeriz, xa que Antón Fraguas, homenaxeado este ano no Día das Letras Galegas, participou nunha estadía de investigación no entonces Pazo propiedade do filántropo Juan López Suárez, «Xan de Forcados». Nesta campaña cultural, que tivo lugar a mediados do século XX, tamén participaron Cuevillas e Lorenzana, os tres intelectuais estudaron as mámoas da Morá, a anta de Abuíme e os castros da Terra do Saviñao, incluído o propio Castro de Arxeriz en Fión.
Ademais, para dar a coñecer o Ecomuseo, vense de estrear o vídeo promocional sobre este espazo cultural, realizado pola firma chantadina Pinancho Audiovisuais. •

Deixa unha resposta

Your email address will not be published.

Nova Anterior

Escolares de Carballedo participaron na visita guiada á exposición de foto «Viña Sacra»

Seguinte Nova

Música e lecturas para celebrar as Letras Galegas no Espazo Xove de Chantada

Últimas noticias sobre CULTURA

A %d blogueros les gusta esto: