O Merca e Gaña polo Nadal xerou un 18% máis de ingresos que o ano pasado

• Esta iniciativa da Deputación de Lugo para impulsar o pequeno comercio recadou 1,9 millóns de euros durante a campaña de Nadal

Os premios da campaña da Deputación en apoio do comercio de proximidade entregáronse o 18 de xaneiro en Lugo. GPDL

A campaña Merca e Gaña polo Nadal, que a Deputación de Lugo organizou en colaboración coa Federación Galega de Comercio, recadou 1,9 millóns de euros, un 18% máis que na edición anterior. O balance presentouse durante o sorteo do que saíron os 40 gañadores das 20 tarxetas-regalo por valor de 300 euros cada unha, e das outras 20 por importe de 200 euros. Con este sistema, a campaña repartiu 10.000 euros en premios, que revertirán en novas compras no pequeno comercio.
PRETO DE 31.500 COMPRAS DENTRO DA CAMPAÑA
A campaña de promoción do comercio de proximidade estivo en marcha dende o 6 de decembro ao 6 de xaneiro, nun total de 40 concellos e na capital provincial, e cun balance de 31.414 operacións de compra rexistradas. Segundo explicou o voceiro do Goberno provincial, Álvaro Santos, durante a presentación do balance, o número de participantes medrou un 15% respecto ao ano anterior, cando houbo 27.000 compras.•

Deixa unha resposta

Your email address will not be published.

Nova Anterior

Licitadas en 337.000 euros as obras da nova rede de abastecemento na parroquia de Tribás

Seguinte Nova

A Pobra presume de veciñanza e cultura na revista municipal «A Auga do Mollón»

Últimas noticias sobre GALERÍA

A %d blogueros les gusta esto: