A cidade do Cabe acolleu nos últimos meses un obradoiro de emprego da Xunta de Galicia, do que se beneficiaron 15 mozos e mozas menores de 30 anos. O obradoiro Cobas Xuvenil ofreceu formación e actividade laboral na especialidade de carpintería e moble, e na de mantemento de xardíns e zonas verdes. Na iniciativa, que a Xunta levou a cabo en colaboración co Concello de Monforte, o Executivo galego investiu máis de 140.000 euros.
Ademais de facilitar un contrato laboral e formación teórico-prática aos 15 participantes, o obradoiro serviu para acondicionar o espazo medioambiental de Cobas. A superficie foi cuberta de céspede con instalación de rego automático, e conta tamén cunha senda peonil, bancos e unha varanda de madeira na zona do parque e do paseo xunto ao río.
Os asistentes recibiron un diploma pola súa participación no obradoiro, ademais dos correspondentes certificados de profesionalidade.
Dende a Xunta salientaron que en setembro abren unha nova edición dos obradoiros duais de emprego, cunha dotación de case 30 millóns de euros, e destinados a 2.000 persoas desempregadas. •
Últimas noticias sobre ECONOMÍA
O Concello de Sober converteuse esta semana no epicentro do lanzamento do «O Encontro de Sober»,
Este luns, 1 de abril, abre o prazo para presentar solicitudes ao programa ReAcciona da Xunta
Remarca a súa colaboración institucional para que manteña a súa sede en Monforte, e propón a
A Agrupación Empresarial da Ribeira Sacra organizou unha xornada para presentar propostas para a elaboración do
Desde a Xunta de Galicia, os populares galegos apoian o investimento, mentres nacionalistas e socialistas móstranse