A Deputación investirá preto de 400.000 euros en dúas estradas do Saviñao

• En total, arranxaranse 10 quilómetros de viais provinciais neste municipio do sur lucense

Imaxe da visita do mandatario provincial ao Saviñao, acompañado do alcalde, Joaquín González, e membros da Corporación. GPDL

As melloras na rede de estradas provincial completarase en breve cunha nova actuación no Saviñao. Segundo anunciou o presidente da Deputación, Darío Campos, na súa visita ao municipio a finais de agosto, o ente provincial destinará preto de 400.000 euros para arranxar 10 quilómetros das estradas LU-P-5804 e LU-P-5806. No primeiro vial, vaise mellorar o tramo que pasa por Rebordondiego, Aiaz e Morgade, cun total de sete quilómetros. Na segunda estrada, serán tres quilómetros entre Lamaquebrada e Montecelo. En ambos casos, realizaranse labores de limpeza de cunetas, mellora do pavimento con aglomerado en quente, sinalización horizontal e vertical, e pintado integral das estradas. Darío Campos, que estivo acompañado polo alcalde do Saviñao, Joaquín González, destacou a importancia destas obras para mellorar a seguridade do tráfico nesta zona do sur de Lugo, así como as comunicacións das parroquias coa capitalidade de Escairón.•

Deixa unha resposta

Your email address will not be published.

Nova Anterior

O Concello de Sarria retirou máis de 90 niños de velutina

Seguinte Nova

Máis de 6.700 solicitudes nos 6 primeiros meses da Axencia de Colocación da Deputación

Últimas noticias sobre GALERÍA

A %d blogueros les gusta esto: