Crónica del sur de Lugo

Todo listo en San Clodio para celebrar a XVI Festa da Cereixa e do Aceite de Ribas de Sil

•A Praia Fluvial encherase de animación, artesanía e sabores na fin de semana do 9 e 10 de xuño

A paisaxe da Praia Fluvial de San Clodio funciona como escenario de gran beleza para os eventos da XVI Festa da Cereixa e do Aceite de Ribas de Sil. Arquivo EC
Ribas de Sil ofrece unha opción lúdica e gastronómica coa XVI Festa da Cereixa e do Aceite, que terá lugar en San Clodio os días 9 e 10 de xuño. Un total de 1.500 quilos de cereixa e 300 litros de aceite, procedentes da zona de Figueiredo, darán cor e sabor a unha axenda chea de actos na contorna da Praia Fluvial de San Clodio.
FÚTBOL, LIBROS E PINTURA O SÁBADO 9
A programación deste ano iniciarase o sábado día 9 cos pasarrúas a cargo do Grupo de Gaitas de Ribas de Sil, que dará paso á sesión matinal de degustación de cereixas.
Xa pola tarde, o tirón da Festa aproveitarase para levar a cabo unha actividade de concienciación sobre reciclaxe. A partir das cinco, estará aberto o stand da campaña “Separa con xeito”, promovida por Ecoembres e a Xunta de Galicia.
Ás seis, terá lugar a cita coa creatividade na Aula de Pesca. No exterior, desenvolverase unha sesión de pintura ao aire libre, mentres que dentro estará aberta a exposición dos traballos realizados ao longo do curso polo alumnado da Escola Municipal. A mostra poderase ver toda a fin de semana.
A xornada da tarde completarase coa presentación, ás sete, do libro titulado “Loyda”, adicado á aldea de Vilardomato, e do que é autora Loyda López Pérez.
O deporte chegará ás sete e media, coa disputa do 11º Trofeo de Fútbol da Cereixa, na Área Deportiva da Praia Fluvial. A partir das oito e media, a festa estará amenizada por un grupo musical.
A cereixa e o aceite de Figueiredo, en Ribas de Sil, atraen cada ano a centos de visitantes a esta celebración. Arquivo EC
PREGÓN CON FIDEL FERNÁN
A xornada do domingo 10 de xuño comezará na Praia Fluvial con degustación de cereixas e produtos típicos, animada polos pasarrúas do Grupo de Gaitas da Escola de Música de Ribas de Sil. Ás doce, actuará a Banda de Música da Deputación de Lugo, dentro do programa provincial Musiqueando. A lectura do pregón será á unha do mediodía, a cargo de Fidel Fernán, xornalista e director de Radio Principal-Cadena Ser.
Poal tarde, a programación xirará en torno á artesanía. O anfiteatro da Praia Fluvial acollerá ás cinco unha demostración de talla de madeira, a cargo do artesán Marcos Ladra Sanjurjo. Xa ás sete, e para poñer fin á Festa, terá lugar a actuación de Títeres Alakrán, que ofrecerá un espectáculo musical con marionetas de fío.•

 

Tags:

Deja un comentario

Your email address will not be published.

*

Últimas noticias sobre EVENTOS

Ir a Inicio