Crónica del sur de Lugo

Bóveda mellorará a xestión dos servizos sociais dentro da plataforma da Xunta

•O concello implantará a Historia Social Única Electrónica, que promove a Xunta para coordinar de xeito máis efectivo a prestación destes servizos

Imaxe da xornada formativa para o persoal dos 10 novos concellos adheridos á plataforma, entre eles Bóveda, celebrada en Lugo o día 1 de decembro. GPDTL
• Bóveda vén de adherirse á Historia Social Única Electrónica (HSUE), que a Xunta ten en marcha para xestionar con máis eficacia a prestación dos servizos sociais.
BÓVEDA E MONFORTE SÚMANSE Á MEDIDA
O municipio de Bóveda é un dos 10 novos concellos lucenses que se sumaron a esta iniciativa, entre os que tamén está Monforte de Lemos. Para comezar a funcionar na plataforma, a Xunta ofreceu unha xornada formativa ao persoal dos servizos sociais dos 10 concellos recentemente adheridos.
Segundo explicou o delegado da Xunta en Lugo, José Manuel Balseiro, o HSUE permite aos traballadores sociais acceder ao expediente social dos usuarios en formato electrónico.
VANTAXES PARA OS USUARIOS
Balseiro precisou as vantaxes que supón esta plataforma, como a simplificación dos trámites ou a atención máis personalizada en cada caso. Ademais, o sistema avisa con prealertas de calquer cambio, para poder actuar de xeito inmediato.•

Deja un comentario

Your email address will not be published.

*

Últimas noticias sobre INICIATIVAS

     
Ir a Inicio