Francisco Conde salientou que a volta á actividade da planta que Votorantim ten no Oural xerou 375 postos de traballo na comarca. O conselleiro de Economía e Industria destacou que Cementos Cosmos foi un dos 20 proxectos empresariais beneficiados das axudas da Oficina Doing Business. Esta plataforma online, impulsada en 2016 pola Xunta de Galicia, contribúe á axilización administrativa, e será “peza fundamental” da Lei de implantación empresarial, segundo precisou Conde.
Na súa visita á planta de Sarria, o conselleiro gabou a aposta de Cementos Cosmos polo uso de combustibles alternativos, o pulo á exportación e ás novidades implementadas pola empresa nas instalacións, como o novo laboratorio ou os novos equipos de control ambiental.•
