Crónica del sur de Lugo

O GDR Ribeira Sacra-Courel coñece a exitosa experiencia do Xeoparque de Las Loras

•A comarca, situada ao norte de Palencia e Burgos, acadou este ano a categoría de Xeoparque Mundial da UNESCO

Un momento da visita dos representantes do GDR Ribeira Sacra-Courel ao mirador de Covalagua, dentro do Xeoparque Las Loras. (Foto: GDR).
• Representantes do GDR Ribeira Sacra-Courel realizaron este mes unha viaxe á comarca de Las Loras, no norte das provincias de Palencia e Burgos, para coñecer o proxecto de desenvolvemento que se levou a cabo neste enclave natural. Las Loras, que vén de acadar este ano o recoñecemento como Xeoparque Mundial da UNESCO, aglutina un rico patrimonio xeolóxico, arqueolóxico e cultural.
EXEMPLO PARA O XEOPARQUE MONTAÑAS DO COUREL
A viaxe xustificouse polo interese do Grupo de Desenvolvemento Rural do sur lucense en traballar na posta en valor do patrimonio xeolóxico e mineiro deste territorio, vinculado á súa riqueza natural, paisaxística e cultural. Esta liña de traballo apunta con especial atención, segundo explicaron dende o GDR, a apoiar a candidatura a Xeoparque Mundial da UNESCO para o entorno das Montañas do Courel, unha iniciativa promovida conxuntamente polos Concellos de Quiroga, Ribas de Sil e Folgoso do Courel. Nestes momentos, o proxecto está á espera de coñecer si se vai emitir a carta de apoio da Comisión Nacional de Cooperación coa UNESCO, previa á presentación da candidatura este ano.
NOVOS PROXECTOS DO GRUPO RIBEIRA SACRA-COUREL
Dende o GDR Ribeira Sacra- Courel salientaron a aposta por valorizar o patrimonio xeolóxico e mineiro da zona do Courel que está a realizar a través do programa Leader. Este apoio estase a concretar, segundo precisaron os responsables do Grupo, na concesión de axudas dentro deste programa europeo para construír dous miradoiros xeolóxicos en Ribas de Sil. Estes novos puntos de interese permitirán contemplar a formación do val no río Sil e o sinclinal en torno ao seu curso. Por outra banda, o GDR tamén afondará nesta riqueza patrimonial con axudas a proxectos vinculados á Ruta do Ferro, no concello do Incio, e á posta en valor da aldea mineira de Veneira de Roques, a Mina dos Medos e a Cova das Choias, no municipio da Pobra do Brollón.•

•Turismo de Galicia presentou 18 novas experiencias sustentables para disfrutar da natureza nos 6 parques naturais da Comunidade

• A Xunta vén de presentar a mediados deste mes unha nova oferta de turismo sustentable, deseñada para disfrutar da natureza nos seis parques naturais da nosa Comunidade. A directora de Turismo de Galicia, Nava Castro, e a directora xeral de Patrimonio Natural, Ana María Díaz, deron a coñecer esta iniciativa que inclúe tres rutas en cada parque.
Castro salientou que estes paquetes buscan atraer aos visitantes cunha fórmula sustentable, ao tempo que se promove o tecido empresarial de cada zona.
RUTAS, ACTIVIDADES ACUÁTICAS OU CULTURAIS
As actividades que integran os paquetes turísticos van dende o ciclismo, a equitación ou as rutas de sendeirismo, ata itinerarios fotográficos ou ornitolóxicos, pasando por actividades acuáticas como kaiak, paddle surf ou paddleboard. Os paquetes ofrecerán tamén a posibilidade de visitar aldeas, covas ou adegas, entre outros destinos.
Toda a información sobre as programacións en cada parque natural, así como as características paisaxísticas e patrimoniais de cada contorna, poden consultarse nunha publicación específica recollida na páxina web www.turismo.gal.
A colaboración entre os dous departamentos autonómicos nesta iniciativa, á que se destinan 60.000 euros, inclúe a promoción desta oferta turística en eventos nacionais e internacionais. Con este fin, os folletos vanse editar tamén en castelán e inglés. •

Deja un comentario

Your email address will not be published.

*

Últimas noticias sobre ASOCIACIONISMO

Ir a Inicio