Preto de 50 equipos das categorías base participaron na Copa Deputación de Baloncesto

O responsable da Área de Deportes da Deputación, Pablo Rivera, na clausura da Copa Deputación de Baloncesto, celebrada en Lugo a finais do mes pasado. GPDL
• O último domingo de maio, tivo lugar no Pazo Provincial dos Deportes de Lugo a Copa Deputación- Trofeo Fernando F. Allende, organizado polo ente provincial, o Concello de Lugo e o CB Ensino.
500 XOGADORES DAS CATEGORÍAS BASE, INCLUÍNDO POR VEZ PRIMEIRA AO BABYBASKET
No evento participaron preto de 50 equipos das categorías infantil, alevín e benxamín de toda a provincia, que reuniron a 500 xogadores e xogadoras desta disciplina deportiva. Esta cita foi a primera da tempada que congregou ao baloncesto lucense das categorías base, incluíndo como novidade nesta edición ao babybasket.
PROMOVER O BALONCESTO FEMININO E O DEPORTE BASE
A Copa Deputación-Trofeo Fernando F. Allende tivo como obxectivo promover o baloncesto feminino, a igualdade de xénero e o deporte base. A Deputación foi o principal patrocinador desta Copa, cunha achega de 12.000 euros, que serviu para asumir os gastos de desprazamento dos equipos, un picnic para os deportistas e un agasallo de camisetas conmemorativas pola súa participación.
HOMENAXE A UN DOS IMPULSORES DO BALONCESTO FEMININO NA PROVINCIA DE LUGO
Esta cita deportiva estivo adicada a homenaxear a figura de Fernando Fernández Allende, un dos pioneiros do baloncesto feminino na provincia e promotor desta disciplina entre a mocidade lucense. Fernández Allende alternou a súa actividade profesional como adestrador de baloncesto coa docencia na Facultade de Ciencias da Educación Física de A Coruña, ademais de ser un dos fundadores do CB Ensino de Lugo.•

Deixa unha resposta

Your email address will not be published.

Nova Anterior

Monforte premia aos mellores deportistas da tempada na Gala do Deporte

Seguinte Nova

161 lucenses en paro comezaron a traballar dentro do programa Ben Empregado 3

Últimas noticias sobre ASOCIACIONISMO

A %d blogueros les gusta esto: