Intenso calendario gastronómico no sur de Lugo

CHANTAPAS ATA O 20 DE NOVEMBRO

Chantada ofrece unha alternativa especial para disfrutar das súas tapas ao longo do mes de novembro. De venres a domingo, a partir das 19,00 horas, un total de 15 establecementos chantadinos ofrecerán as súas mellores creacións gastronómicas nunha nova edición do Chantapas. O concurso, que se desenvolverá ata o domingo 20 de novembro, inclúe un percorrido por diversos locais do casco urbano. Bar Mánix, Tropik, Dedebó, A Faragulla, Cafetería Universal, A Viñoteca, Bar Miño, Bar Canizo, Café Cantón, O Agocho, Cervecería Cheers, Bar Centro, O Casino, Café Bar Plaza e Café Bar Parada integran a ruta de sabores do Chantapas 2016. Os clientes que desexen participar na votación á mellor tapa deberán contar cun mínimo de sete selos, e valorar de 1 a 10 cada unha das tapas consumidas nos establecementos visitados. •

MONFORTE ESTREA O «CHEGAR E ENCHER».

A delegación sur da APEHL estrea unha nova iniciativa para dinamización a hostelería monfortina. Durante os xoves e venres do mes de novembro, desenvolverase a I Xornada Gastronómica Chegar e Encher, a partir do xoves 10 e ata o venres 25. No marco deste evento, os establecementos adheridos ofertarán unha ración tradicional e unha botella de viño xoven da Denominación de Orixe Ribeira Sacra por 12 euros. Os establecementos adheridos á xornada estarán identificados con un cartel, e contarán con dípticos informativos para coñecer as racións que ofrecen. O obxectivo da delegación sur da APEHL é convertir os xoves e venres en días de tapeo en Monforte, e animar á xente a disfrutar da nosa gastronomía.•

SARRIA PREPARA UNHA NOVA EDICIÓN DO TAPICHEO.

A Asociación Gastronómica O Porco Cebado, en colaboración coa Concellería de Turismo de Sarria, organizan unha nova edición do Tapicheo, que se celebrará do 2 ao 8 de decembro en diversos locais da vila xacobea. As bases de participación para os establecementos interesados están publicadas na web www.sarria.es. •

Deixa unha resposta

Your email address will not be published.

Nova Anterior

Exposición fotográfica de Iván Merayo no Museo Provincial de Lugo

Seguinte Nova

0 75% dos lumes rexistrados en Galicia son intencionados

Últimas noticias sobre ASOCIACIONISMO

A %d blogueros les gusta esto: