•O IES A Pinguela continúa co ciclo de conferencias divulgativas a cargo de investigadores especializados da Universidade de Santiago. A última cita co saber veu da man da doutora en Microbioloxía da USC, Ana Otero, que achegou aos alumnos e alumnas do Bacharelato de Ciencias ao asombroso mundo das bacterias. Baixo o título «Como falan as bacterias», a doutora Otero fixo unha semblanza das últimas tendencias en investigación, que teñen como obxectivo superar en poucos anos a resistencia destes microorganismos aos antibióticos. Ademais, a experta en Microbioloxía falou sobre o comportamento das bacterias, revelando aspectos descoñecidos acerca da comunicación ou a sexualidade destes pequenos seres vivos.•
