En marcha o servizo de Barcas do Río para este verán

O alcalde de Monforte, José Tomé, estreou o servizo de Barcas do Río desta temporada, acompañado da concelleira de Cultura, Marina Doutón. GPCM
O alcalde de Monforte, José Tomé, estreou o servizo de Barcas do Río desta temporada, acompañado da concelleira de Cultura, Marina Doutón. GPCM

• Dende mediados de xullo e ata mediados de setembro, Monforte ofrece un ano máis os paseos en barca polo río Cabe. Según explicou o alcalde de Monforte, José Tomé, durante a viaxe inaugural acompañado pola concelleira de Cultura, Marina Doutón, “estas travesías permiten gozar dunha perspectiva da cidade que soamente se ten desde o río».

MONFORTE E A SÚA RELACIÓN CO CABE
Tomé lembrou que a tradición dos paseos en barca polo Cabe cumple xa sete anos. «Pese a que Monforte se construíu de costas ao río, a cidadanía sempre tivo a tradición de usalo para labores cotiás, como lavar a roupa, especialmente na zona do Malecón, onde había lavadoiros colectivos”. O alcalde animou a veciños e visitantes a facer uso deste servizo, que ofrece «un percorrido fermoso, cómodo e sen correntes, moi axeitado para realizar nesta época do ano”.

UNHA ACTIVIDADE ACUÁTICA «QUE SEMPRE SE AGRADECE» EN TERRAS DO INTERIOR
Ademais de manter viva a relación de Monforte co río que discurre pola cidade, a iniciativa dos paseos en barca supoñen «un complemento máis de animación turística para a xente que nos visita, sobre todo pensando que no interior non temos praia, e aquelas actividades acuáticas que poidamos ofrecer sempre se agradecen”.

CARACTERÍSTICAS DOS PASEOS EN BARCA POLO RÍO CABE
O servizo de paseos en barca polo Cabe conta con seis embarcacións, coas que se poderá percorrer o río en viaxes de media hora de duración. O punto de encontro é o embarcadoiro do Parque dos Condes, inicio e remate das travesías. Os paseos en barca manteñen o prezo de anos anteriores, que é de 3,25 euros por persoa. Cada barca permite o acceso dun máximo de seis pasaxeiros, por motivos de seguridade.

HORARIOS POR SEMANA E NA FIN DE SEMANA
En canto aos horarios de funcionamento, os paseos en barca polo río Cabe poden realizarse de luns a venres pola tarde, de seis a dez. As fins de semana, o horario se amplía tamén á mañá, polo que estarán dispoñibles de once a dúas e de seis a dez.
A xestión do servizo está a cargo do Club de Piragüismo Quixós, responsable do mantemento e condución das embarcacións, así como do cobro das viaxes e da atención aos usuarios.
Según informaron os responsables municipais, o Concello de Monforte destina unha partida de 8.150 euros á organización deste servizo.•

Deixa unha resposta

Your email address will not be published.

Nova Anterior

Recepción no Concello aos deportistas monfortinos participantes nos XI Xogos do Eixo Atlántico

Seguinte Nova

Os traballos provinciais de desbroce priorizaron as áreas de alto risco de incendio

Últimas noticias sobre DEPORTES

A %d blogueros les gusta esto: