O Salón de Actos do Pazo de San Marcos acolleu o 20 de febreiro a estrea do documental sobre a vida de José Castro Veiga, “O Piloto”, un dos últimos membros do Exército Guerrilleiro galego. O proxecto, apadriñado pola Asociación Cultural Dous Punto Oito, foi dirixido polo fotógrafo Xosé Reigosa e guionizado polo xornalista chantadino Afonso Eiré. Neste traballo descubriron “novos aspectos totalmente descoñecidos sobre o Piloto, e atopamos moitas cousas sobre a súa persoa que non son verdade”, suliñou Eiré, quen apuntou que “un dos obxectivos era desentrañar o que hai de verídico e o que de construción social”.•
