O Concello de Monforte destinará a obras 300.000 euros do remanente de tesourería

Reforma do campo da feira, reparacións en instalacións deportivas e mellora de pistas en parroquias, entre outras

A reforma do campo da feira de Monforte será unha das actuacións con cargo ós remanentes do 2013. EC.
A reforma do campo da feira de Monforte será unha das actuacións con cargo ós remanentes do 2013. EC.

• O Concello de Monforte anunciou que a conta xeral do 2013 rexistra un remanente de tesourería de 670.000 euros, que según a normativa vixente só poderá destinarse a «inversións financeiramente sustentables», que supoñan un aforro para o Concello e unha duración mínima de cinco anos. Polo tanto, quedan excluídas actuacións na obra do paseo do río, na potabilizadora, novos servizos ou novos edificios, nin a ampliacións de servizos sociais e culturais. O pasado 13 de outubro, o Goberno local conseguiu o apoio do Pleno para levar adiante a proposta de gasto deste remanente, que destinará 300.000 euros a amortización anticipada da débeda, 64.000 ó pago da multa da Confederación Hidrográfica, e 306.000 euros a diversas obras.

DETALLE DOS INVESTIMENTOS
O alcalde de Monforte, Severino Rodríguez, explicou o detalle de investimentos desta partida, que adicará 89.070 euros ás reformas «máis urxentes» do campo da feira, dentro das recollidas no proxecto integral de mellora deste espazo, e que se refiren ós estacionamentos, á nave dos pulpeiros, ós viais e á distribución de postos. Por outra banda, 59.963 euros destinaranse á mellora da iluminación do Parque dos Condes e do paseo ata a Ponte Nova, 45.388 euros á mellora de pistas nas parroquias, e 29.950 euros á instalación de once pasos de peóns elevados nas rúas Duquesa de Alba, Calvo Sotelo, Ourense, Chantada e Valle Inclán. Ademais, investiranse 18.537 euros en reparacións no teito da piscina e do pavillón municipal, 11.996 euros na reparación do teito da gardería municipal, e 11.622 euros na mellora de camiños e da contorna do local social da parroquia de Valverde. Por último, 10.120 euros irán para a mellora do pavillón do colexio Torre de Lemos, 6.709 para unha intervención no “trust” do escenario do Multiusos, e 5.942 para reparación do abastecemento de auga no Eivedo. Severino Rodríguez indicou que estas cantidades suman un total de 289.297 euros, cifra á que hai que sumar as da redacción dos proxectos, dos plans de seguridade e da dirección das obras, ata chegar ós 306.000 euros. O alcalde sinalou que estas obras deberán rematar antes do 31 de decembro.•

Deixa unha resposta

Your email address will not be published.

Nova Anterior

Sober celebrará unha homenaxe institucional polas vítimas do franquismo

Seguinte Nova

Ata o 16 de novembro, o Museo de Lugo acolle unha mostra sobre o Meco e as Pampónigas de A Ermida

Últimas noticias sobre ECONOMÍA

A %d blogueros les gusta esto: