Os comercios e negocios hostaleiros de Sarria distribuirán un novo rueiro turístico da vila xacobea

•O novo mapa, editado pola área de Cultura e Turismo da Deputación, inclúe información turística e servizos de interés para o visitante

O delegado de Cultura e Turismo da Deputación de Lugo, Mario Outeiro, xunto co presidente da Asociación de Comerciantes, Empresarios, Profesionais e Autónomos de Sarria, Ricardo Arias, presentaron o novo rueiro de Sarria o pasado 5 de agosto. GPVDL.
O delegado de Cultura e Turismo da Deputación de Lugo, Mario Outeiro, xunto co presidente da Asociación de Comerciantes, Empresarios, Profesionais e Autónomos de Sarria, Ricardo Arias, presentaron o novo rueiro de Sarria o pasado 5 de agosto. GPVDL.

• A comezos deste mes foi presentado o novo mapa turístico das rúas de Sarria, que será distribuído nos comercios e locais de hostelería da vila xacobea. Este mapa foi editado pola área de Cultura e Turismo da Deputación de Lugo, e distribuído polos diferentes establecementos desta vila pola Asociación de Comerciantes, Empresarios, Profesionais e Autonomos de Sarria (ACES-Sarria).
Según explicou o delegado de Cultura e Turismo do organismo provincial, Mario Outeiro, a Deputación pretende coa edición deste novo rueiro colaborar no coñecemento do patrimonio histórico, cultural e turístico de Sarria, así como fomentar o uso do galego na actividade da Asociación de Comerciantes e Empresarios. “Sarria ten moito que ensinar e queremos colaborar en dalo a coñecer e potencialo”, precisou Outeiro.

INDICACIÓNS DAS RÚAS DE SARRIA E O PASO DO CAMIÑO, ASÍ COMO DATOS DE INTERÉS PRÁTICO E INFORMACIÓN HISTÓRICO-ARTÍSTICA
O novo rueiro de Sarria, impreso a doble cara, inclúe por un lado un mapa coas rúas da vila, a localización dalgúns establecementos, monumentos, estacións de ferrocarril e bus, Policía Local, Concello, aparcadoiros, piscina, farmacias, albergues así como a sinalización do paso do Camiño de Santiago pola localidade. Pola outra cara, o mapa integra descricións específicas de zonas monumentais da localidade e patrimonio histórico e artístico.

Un dos elementos históricos recollidos no novo mapa é o conxunto monumental das pontes medievais que, según lembraron os responsables municipais, conta co apoio da Deputación de Lugo para acadar a súa declaración como Ben de Interés Cultural (BIC). Esta catalogación foi promovida pola Asociación Arcas e Estudos Sarriaos Francisco Vázquez Saco. Mario Outeiro destacou que “a historia da vila de Sarria está longamente ligada a este conxunto e forma parte dos bens que debemos preservar e coidar”. As pontes para as que se pide a consideración de Ben de Interés Cultural son a Ponte Ribeira no río Sarria e Camiño de Castela, pola que atravesa o Camiño de Santiago; a Ponte Vella no río Sarria e Camiño de Aranza; a Ponte Vella do Mazadoiro no río Celeiro e Camiño de Lugo; e a Ponte da Áspera, no río Celeiro e Camiño de Portomarín. O delegado de Cultura da Deputación alertou de que este conxunto patrimonial “presenta carencias na súa conservación, pese a estaren no ámbito de protección do camiño francés, que ten a categoría de Ben de Interese Cultural, porén non se ten actuado para salvagardar este patrimonio histórico”.•

Deixa unha resposta

Your email address will not be published.

Nova Anterior

En marcha as obras de acceso do Porto Seco coa estrada LU-933

Seguinte Nova

Apoio institucional ó programa do XVI Irmandamento Sarria-Guerlédan, que este ano visita terras bretonas

Últimas noticias sobre ASOCIACIONISMO

A %d blogueros les gusta esto: